Vegagerðin varar ökumenn á ferðinni milli Norður- og Austurlands við því að vatn geti runnið yfir þjóðveginn við Jökulsá á Fjöllum. Meginleiðir á Austurlandi eru opnar en mokstursbílar eru víða á ferðinni.
Veðurstofa Íslands hefur lokið við gerð bráðabirgðahættumats fyrir svæðið utan við stóru skriðuna sem féll á Seyðisfjörð 18. desember. Verið er að ljúka við gerð varnargarða til bráðabirgða.
Til stendur að reyna að opna veginn yfir Fagradal undir hádegið en honum var lokað í morgun því skyggni vær nær ekkert. Reynt verður að halda Fjarðarheiði opinni fyrir jeppa.
Minjastofnun hefur óskað eftir upplýsingum um sögu rauðu bragganna sem áður hýstu harðfiskverkun Sporðs á Eskifirði. Sveitarfélagið keypti þá fyrir um ári til að rífa þá. Hópur Eskfirðinga safnar undirskriftum gegn þeim áformum.
Í framhaldi af niðurstöðum mælinga sem nú er nýlokið leggur Hafrannsóknastofnun til að ráðlagður loðnuafli á vertíðinni 2020/21 verði rúm 54 þúsund tonn.
Gífurleg aukning hefur orðið á kærum vegna farsímanotkunar í umdæmi Lögreglunnar á Austurlandi á síðustu fimm árum eða um 423%. Milli síðustu tveggja ára var aukningin 152%
Við endurútreikninga loðnumælinga samkvæmt gæðaferlum Hafrannsóknastofnunar kom í ljós villa við úrvinnslu á bergmálsmælingum á stærð hrygningarstofns loðnu í vikunni sem hefur nú verið leiðrétt. Niðurstaða þeirrar mælingar hækkaði um 19 þúsund tonn, eða upp í 338 þúsund tonn. Þetta þýðir að leiðrétt loðnuráðgjöf um afla á vertíðinni 2020/21 er 61 þúsund tonn.
Enginn er lengur í einangrun eða sóttkví vegna Covid-19 smits á Austurlandi. Aðgerðastjórn almannavarnanefndar Austurlands brýnir íbúa til áframhaldandi árvekni þótt bólusetning gangi vel.
Jón Björn Hákonarson, bæjarstjóri Fjarðabyggðar, hefur ákveðið að gefa kost á sér í annað sætið á lista Framsóknarflokksins í Norðausturkjördæmi fyrir Alþingskosningarnar í haust.