Air Iceland Connect mun heyra sögunni til frá og með næsta þriðjudegi 16. mars. Starfsemi félagsins verður sameinuð Icelandair og rekin undir því vörumerki. Þetta mun ekki hafa áhrif á flug félagsins til Egilsstaðaflugvallar og annara flugvalla innanlands sem Air Iceland Connect hefur þjónað.
Tónlistarmaðurinn Þór Arnarsson mun halda tónleika í Miklagarði á Vopnafirði í kvöld. Þar mun hann leika á tyrkneska strengjahljóðfærið Baglana. Þór segir að mikil samsvörun sé milli fornrar íslenskrar og arabískrar tónlistar.
Austurland og Norðurland vestra eru einu landshlutarnir á Íslandi þar sem enginn er í sóttkví vegna Covid-19 smits. Fólki í sóttkví fjölgaði verulega um helgina eftir að smit greindist á höfuðborgarsvæðinu.
Leiðsögumenn með hreindýraveiðum eru ósáttir við hve seint hreindýraveiðikvóti undanfarinna þriggja ára hefur verið tilkynntur. Þeir hefðu frekar kosið að honum yrði flýtt. Umræða um veiðar á hreinkúm hafa flækt málin síðustu ár.
Svanur Hallbjörnsson eigandi Verkstæðis Svans og starfsmenn hans á Egilsstöðum hafa lokið við að gera 64 ára gamlan Deutz traktor frá grunni. Verkið var unnið að beiði Sigmars Jóhannssonar og mun traktorinn prýða búminjasafn hans í Lindabæ í Skagafirði.
Fréttamaðurinn Kristján Már Unnarsson og myndatökumaðurinn Sigurjón Ólason frá Stöð 2 fóru með loðnuskipinu Beiti NK í veiðiferð um helgina. Efni úr veiðiferðinni hefur þegar birst í fréttum og meðal annars var sent beint út frá miðunum.
Kjördæmisráð Samfylkingarinnar fer núna yfir tilnefningar og framboð sem bárust fyrir lista flokksins fyrir Alþingiskosningarnar í haust. Ráðið mun leggja til uppstillingu á listann.
Skriðusvæðin á Seyðisfirði hafa breytt verulega um svip á þeim tíma sem liðinn er síðan skriðurnar féllu um miðjan desember. Hreinsunarstarf er nú langt á veg komið.
Slátrun og vinnsla á laxi hjá Búlandstindi hefur vaxið hratt frá því að fyrirtækið var stofnað árið 2015. Fyrirtækið áformar um að taka í notkun umbúðaframleiðslu síðar á þessu ári en við hana skapast fimm ný störf.
Heimildamyndin „A Song Called Hate“ um þátttöku listahópsins Hatara í Evrópusöngvakeppninni vorið 2019 verður sýnd í Herðubíó á Seyðisfirði um helgina. Framleiðandi myndarinnar fylgdi hópnum eftir til að kanna viðbrögð og áhrif pólitískrar listar. Hún lýsir ferðalaginu sem spennuþrungnu.
„Við erum búnir að skoða opnun á veginum yfir Öxi en bíðum átekta þar til eftir helgina,“ segir Sveinn Sveinsson umdæmisstjóri Vegagerðarinnar á Austurlandi.