Unnur Mjöll Jónsdóttir, nemandi í tíunda bekk Grunnskóla Reyðarfjarðar, er á leið í norrænan rithöfundaskóla sem haldinn verður í Svíþjóð í næstu viku. Hún segist hafa séð auglýsta keppni um sæti í skólanum og ákveðið að freista gæfunnar.
Tvær nýjar sýningar verða opnaðar í Skaftfelli um helgina. Annars vegar er þar um að ræða sýningu danska listahópsins A Kassen og hins vegar Ragnheiðar Gestsdóttir og Curvers Thoroddsen.
Næstu tvær helgar mun hljómsveitin Dægurlagadraumar troða upp með tilheyrandi stemningu og huggulegheitum á þremur stöðum á Austurlandi. Mjóifjörður verður fyrsti viðkomustaðurinn í ferðinni.
Aldrei hafa fleiri gestir sótt listahátíðina LungA en í ár. Skipuleggjendur eru ánægðir með hvernig til tókst að þessu sinni en hátíðin var haldin í síðustu viku.
Um þrjú hundruð ungmenni á aldrinum 13-17 ára dvöldust á Norðfirði síðustu helgina í júní þar sem fram fór unglingalandsmót Slysavarnafélagsins Landsbjargar. Lengst að komu Ísfirðingar en þeirra ferðalag tók fimmtán klukkutíma.
Karlakvartett, skipuðum nokkrum af fremstu söngvurum landsins, verður á ferð um Austfirði næstu daga. Kvartettinn skipa: Garðar Thór Cortes, Gissur Páll Gissurarson, Bergþór Pálsson og Viðar Gunnarsson. Jóhann G. Jóhannsson útsetur og leikur á píanó.
Um fimmtíu manns stóðu á sviðinu í einu í Fjarðarborg á Borgarfirði eystri í gærkvöldi þegar Jónas Sigurðsson kom þar fram ásamt Lúðrasveit Þorlákshafnar.
Ungur rostungur sást í fjörunni neðan við Skálanes í Seyðisfirði á sunnudagsmorgun. Staðarhaldari segir að rostungurinn sé ekki sá sami og sást á Austfjörðum í júní.
Hinir árlegu hernámsdagar voru haldnir á Reyðarfirði síðustu helgina í júní. Að venju var margt til gamans gert, farið í hernámsgöngu og hertrukkar, dátar, faukur og fínar frúr settu svip sinn á bæinn.