Vísbendingar um að barnafjölskyldur sæki í að flytja austur
Lífið • This email address is being protected from spambots. You need JavaScript enabled to view it. • Fyrst birt 01. sep 2025 17:29 • Uppfært 01. sep 2025 17:48
Vísbendingar eru um að fjölskyldur með tvö börn eða fleiri sæki í að flytja frá höfuðborgarsvæðinu til Austurlands. Þetta er á meðal þess sem fram kemur í gögnum Sjálfbærniverkefnisins á Austurlandi sem safnað hefur verið frá upphafi stóriðjuframkvæmda árið 2003.
Af gögnunum má sjá að körlum á aldrinum 25-59 ára hefur fjölgað verulega. Á sama tíma er lýðfræðileg staða kvennanna önnur. Allan tímann hafa konur á aldrinum 15-49 ára hafa verið færri á Austurlandi en að meðaltali á landinu allan tímann.
Þrátt fyrir að fæðingartíðni haldist aðeins undir landsmeðaltali, sýna gögnin að fjöldi barna á aldrinum 4-15 ára er yfir landsmeðaltali. Nokkrir þættir gætu valdið þessu misræmi.
Ein ástæðan væri straumur fjölskyldna með tvö eða fleiri börn, aðallega frá höfuðborgarsvæðinu, til Austurlands. Áberandi er að fjölskyldur með tvö eða fleiri börn (þ.e. konur eldri en 30 ára), aðallega af höfuðborgarsvæðinu, velja að flytja til Austurlands að minnsta kosti til að ala upp börn sín. Þessa flutninga barnafjölskyldna til Austurlands má fylgjast með í mælingum og með því að jafna fjölda kvenna 30+ og landsmeðaltal. Ítarlegri rannsókn myndi veita frekari skilning á þessu.
Að endingu má sjá á undanförnum árum jákvæðari þróun í fjölda barna og karlmanna á Austurlandi, samanborið við landsmeðaltal. Á sama tíma er hópur kvenna á aldrinum 15-49 ára enn undir landsmeðaltali.
Á Austurlandi er fjöldi íbúa 60 ára og eldri, hjá báðum kynjum, hærri en landsmeðaltal. Aukinn fjöldi barna á aldrinum 4-15 ára og íbúa yfir sextugu gæti skapað þrýsting á kerfi eins og mennta- og heilbrigðisþjónustu.
Á landsvísu heldur höfuðborgarsvæðið áfram að vaxa hlutfallslega meira en landsbyggðin.
Lengri útgáfa birtist í Austurglugganum. Hægt er að panta áskrift hér.
