Strandaglópur í Hornafirði
Lífið • This email address is being protected from spambots. You need JavaScript enabled to view it. • Fyrst birt 16. des 2008 09:31 • Uppfært 08. jan 2016 19:19
Undanfarnar vikur hefur hreindýr haldið sig í Hellinum (eyjunni) sem er við innsiglinguna til Hornafjarðar og er talið líklegt að það hafi synt yfir álinn frá Austurfjörum þar sem nokkur hreindýr hafa verið á beit undanfarið.
Á samfélagsvef Hornafjarðar, horn.is, er spurt hvort sundið milli lands og eyjar hafi verið svo erfitt að dýrið leggi ekki í að fara til baka. Hreindýrið virðist hafa nóg að éta en hvort nægjanlegt drykkjarvatn er á eynni er ekki ljóst.
Það væri verðugt verkefni fyrir þá sem sinna dýraverndunarstörfum í sveitarfélaginu að hjálpa þessum ,,eyjafanga“ til að komast í hópinn sinn aftur og verða frjáls ferða sinna en ekki hýrast einn á þessari eyðieyju um jólahátíðina, segir á vef Hornafjarðar.
Það væri verðugt verkefni fyrir þá sem sinna dýraverndunarstörfum í sveitarfélaginu að hjálpa þessum ,,eyjafanga“ til að komast í hópinn sinn aftur og verða frjáls ferða sinna en ekki hýrast einn á þessari eyðieyju um jólahátíðina, segir á vef Hornafjarðar.
