Rjúpnaveiðitímabilið hefst á morgun. Það stendur í 18 daga og er síðasti veiðidagur 6. desember. Veiða má frá föstudegi til sunnudags þennan tíma. Búist er við fjölda rjúpnaskytta til Austurlands á veiðar um helgina, því veðurspá er sýnu best á því svæði. Heimamenn eru líka að gera sig klára. Nú orðið er unnt að kaupa veiðileyfi á netinu kjósi menn slíkt. Þá eru veiðileiðsögumenn að fara með útlendinga á rjúpu á Austurlandi. Slysavarnarfélagið Landsbjörg hvetur rjúpnaveiðimenn til að sýna aðgát.
Fréttatilkynning frá Slysavarnafélaginu Landsbjörg um öryggi rjúpnaveiðimanna.Í nóvember í fyrra voru björgunarsveitir félagsins kallaðar út 11 sinnum til leitar og aðstoðar við rjúpnaskyttur. Félagið vill því vekja athygli á nokkrum góðum ferðareglum sem rétt er að hafa í huga áður en lagt er af stað í veiðiferðina.Almennar umgengnireglur við skotvopn:·Geymið byssu og skot á læstum stöðum.·Ekki aka á veiðistað með byssuna hlaðna.·Hafið öryggið ávallt á þegar gengið er með byssu.Ferðareglur rjúpnaskyttunnar:·Fylgist með færð og veðurspá.·Gerið ferðaáætlun og skiljið hana eftir hjá aðstandendum.·Kynnið ykkur vel það svæði sem ferðast á um.·Hafið með góðan hlífðarfatnað.·Takið með sjúkragögn og neyðarfæði.·Fjarskipti þurfa að vera í lagi, gps, kort, áttaviti og talstöð/sími og kunnátta verður að vera til staðar til að nota þau.·Athugið að farartækið sé í góðu ásigkomulagi áður en lagt er af stað.·Ferðist ekki einbíla.·Takið með grunnviðgerðardót fyrir farartækið, skóflu, kaðal og festið allan farangur.·Munið að akstur og áfengi fer ekki saman.·Ef ferðast er í bíl spennið beltin og notið hjálma, brynjur og annan hlífðarfatnað ef farið er um á vélsleða.·Látið vita reglulega af ykkur og skráið nafn og hvert ferðinni er heitið í bækur í fjallaskálum.·Ef ekki er hægt að komast lengra á bílnum bíðið í honum þar til hjálp berst, það er mun. auðveldara að finna bíl heldur en fólk á göngu og bíllinn veitir skjól.·Betra er að snúa við í tíma heldur en að koma sér í ógöngur
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.
