Nýr vettvangur fyrir fólk í atvinnuleit
Miðstöð fyrir fólk í atvinnuleit verður opnuð á Egilsstöðum 12. febrúar. Að rekstri hennar koma Fljótsdalshérað, Þekkingarnet Austurlands, Rauði krossinn, Vinnumálastofnun Austurlandi, Austurnet, AFL Starfsgreinafélag og VR, auk fleiri aðila. 375 eru nú á atvinnuleysisskrá hjá Vinnumálastofnun Austurlandi.
Miðstöðin verður til húsa á efri hæð í Níunni, Miðvangi 1-3 á Egilsstöðum. Margvísleg þjónusta verður þar fyrir fólk í atvinnuleit og atvinnulausa. Þjónustan felst í ráðgjöf, þjónustu og námskeiðahaldi. Gert er ráð fyrir að í miðstöðinni verði hægt að leita til félags- og fjármálaráðgjafa á vegum Fljótsdalshéraðs, náms- og starfsráðgjafa á vegum Þekkingarnets Austurlands, prestar Fljótsdalshéraðs verða til taks og verið er að athuga aðkomu fleiri aðila, m.a. vegna sálfræði- og lögfræðiþjónustu.
Sjá umfjöllun í Austurglugganum.
