Loks nægur snjór í brekkum Oddsskarðs
Biðin reyndist töluvert lengri en fyrir ári síðan en vinsælt skíðasvæðið í Oddsskarði ofan við Eskifjörð var opnað í fyrsta skipti í vetur í gærdag.
Af því tilefni var frítt í lyftur fjallsins og nýtti nokkur fjöldi fólks sér tækifærið enda skíða- og brettaáhugafólk orðið langeygt eftir geta nýtt sér góðar brekkurnar. Opnunin nú kemur næstum mánuði síðar en á síðasta ári þegar brekkurnar voru klára til brúks strax upp úr áramótum.
Hugsanlega var það vegna þess hve tókst að opna snemma sem aðsóknarmet var sett í brekkur Oddskarðs síðasta veturinn en á meðan opið var nýttu hvorki fleiri né færri en tíu þúsund manns sér aðstöðuna þar.
Opnun næstu dagana helst í hendur við veðurfar en að sinni er kominn nægur snjór í allar brekkur svo ef veður helst bærilegt verður hægt að setja á sig bretti eða skíði og láta sig góssa niður.
