Góður liðsauki björgunarsveitar á Héraði
Lífið • This email address is being protected from spambots. You need JavaScript enabled to view it. • Fyrst birt 13. feb 2009 09:09 • Uppfært 08. jan 2016 19:19
Á miðvikudagskvöld var stofnuð unglingadeild hjá Björgunarsveitinni Héraði á Egilsstöðum og ber hin nýja deild nafnið Héraðsstubbarnir. Undanfarin ár hefur verið samstarf við félagsmiðstöðvar með unglingastarf, sem leiddi til stofnunarinnar.
Guðlaug Björgvinsdóttir segir að haldinn hafi verið sérstakur stofnfundur. Mætingin hafi verið framar öllum vonum. ,,Við töldum reyndar ekki en það voru mjög margir og hingað kom fólk frá Mývatni, Fáskrúðsfirði og Seyðisfirði svo eitthvað sé nefnt,“ segir Guðlaug. ,,Fundurinn gekk mjög vel fyrir sig og mættu tuttugu ungmenni, en það eru þó ekki alveg allir af þeim sem hafa verið að koma. Við fengum mikið af gjöfum og þökkum kærlega fyrir það. Einnig þökkum við þá aðstoð og hlýhug sem okkur hefur hvarvetna mætt í þessu starfi. Bloggsíða unglingadeildarinnar er www.heradsstubbar.bloggar.is þar sem á að vera hægt að fylgjast með því sem þau eru að gera.
