Fimm áramótabrennur í Fjarðabyggð
Fimm áramótabrennur verða í Fjarðabyggð og í kjölfar þeirra glæsilegar flugveldasýningar. Að sögn aðila frá björgunarsveitunum fer flugeldasala vel af stað og stefnir allt í að áramótin í Fjarðabyggð verði kvödd með hvelli. Veðrið ætti ekki að stoppa neinn í að njóta herlegheitanna þar sem veðurspáin fyrir Austurland er mjög góð. Samkvæmt spá Veðurstofu Íslands er spáð köldu veðri og hægum vindi og hentar það vel til útiveru og flugeldaskota.
Brennur verða á Norðfirði, Eskifirði, Reyðarfirði, Fáskrúðsfirði og Stöðvarfirði eins og hér segir:
Norðfjörður
Áramótabrennan verður austan snjóflóðavarnargarðanna ofan við Starmýrarblokkirnar kl. 20:30, flugeldasýningin verður við snjóflóðavarnargarðana kl. 21:30. Fólk er hvatt til að mæta á viðburðinn fótgangandi ef veður leyfir.
Það er björgunarsveitin Gerpir á Norðfirði sem sér um brennuna og flugeldasýninguna. www.gerpir.is
Eskifjörður
Áramótabrennan verður á gömlu ruslahaugunum gegnt bænum í Hólmanesi, kl. 20:00, flugeldum verður svo skotið upp frá Eimskipsbryggjunni kl. 20:30.
Það er björgunarsveitin Brimrún á Eskifirði sér um brennuna og flugeldasýninguna.
Reyðarfjörður
Áramótabrennan verður við Hrúteyri gengt bænum kl. 21:00 og svo flugeldasýning á sama stað upp úr níu.
Það er björgunarsveitin Ársól á Reyðarfirði sem sér um brennuna og flugeldasýningu.
Fáskrúðsfjörður
Áramótabrennan verður við vestur enda flugvallarins kl.20:30 og flugeldasýning kl.21:15.
Það er björgunarsveitin Geisli Fáskrúðsfirði sem sér um brennuna og flugeldasýningu.
Stöðvarfjörður
Áramótabrennan verður kl. 20:00 á Birgisnesi og flugeldasýning á sama stað upp úr klukkan átta.
Það er ungmennafélagið Súlan á Stöðvarfirði sér um brennuna og flugeldasýninguna.
