Breyttur opnunartími á bæjarskrifstofunni á Norðfirði
Lífið • This email address is being protected from spambots. You need JavaScript enabled to view it. • Fyrst birt 17. jan 2009 13:48 • Uppfært 08. jan 2016 19:19
Bæjarráð Fjarðabyggðar hefur ákveðið að frá 1. febrúar næstkomandi verði opnunartími bæjarskrifstofu á Norðfirði frá kl.12:00 – 15:00 alla virka daga. Bæjarskrifstofan er nú opin frá klukkan níu á morgnana til fjögur síðdegis.
Í greinargerð sem fylgdi tillögunni til bæjarráðs segir: Við endurskipulagningu og uppröðun starfa á fjármála- og stjórnsýslusviði hefur komið í ljós að á bæjarskrifstofunum á Norðfirði er þörf fyrir annaðhvort ráðningu á sérstökum afgreiðslufulltrúa eða að núverandi starfsmenn, sem sinna afgreiðslu með öðrum störfum á fjármálasviði, fái næði til að sinna nákvæmnisvinnu í ákveðinn tíma á hverjum degi.
Í ljósi núverandi fjárhagsstöðu sveitarfélagsins er ekki raunhæft að ráða sérstakan afgreiðslufulltrúa en til að koma til móts við þessa þörf er lagt til að opnunartími skrifstofu á Norðfirði verði breytt þannig að opnunartími verði frá 12:00 – 15:00.
