Gjaldfrjáls leikskóli á Djúpavogi
Lífið • This email address is being protected from spambots. You need JavaScript enabled to view it. • Fyrst birt 04. jan 2008 15:22 • Uppfært 08. jan 2016 19:18
Djúpavogshreppur sem er eitt hinum svokölluðu jaðarsveitarfélögum hefur sett ný viðmið fyrir önnur sveitarfélög á Austurlandi með gjaldfrjálsum leikskóla.
Á sveitarstjórnarfundi í hreppnum í lok desember var ákveðið að bjóða uppá gjaldfrjálsan leikskóla fyrir tvo elstu árgangana í leikskólanum á Djúpavogi. Gjaldfrjálst verður í þrjár klukkustundir á dag fyrir hvert barn. Eftir því sem Austurglugginn kemst næst er Djúpivogur fyrsta sveitarfélagið á Austurlandi sem býður gjaldfrjálsan leikskóla að einhverju leyti.
