Vilhjálmur fyrstur í heiðurshöll ÍSÍ
Íþróttir • This email address is being protected from spambots. You need JavaScript enabled to view it. • Fyrst birt 28. jan 2012 20:27 • Uppfært 08. jan 2016 19:22
Vilhjálmur Einarsson varð í dag fyrsti maðurinn til að vera tekinn inn í
nýstofnaða heiðurshöll Íþrótta- og ólympíusambands Íslands. Vilhjálmur
varð árið 1956 fyrsti Íslendingurinn til að vinna til verðlauna á
ólympíuleikum þegar hann fékk silfurverðlaun í þrístökki á leikunum í
Melbourne í Ástralíu.
„Það er með hrærðum huga sem ég tek við þessari nafnbót en ég vona að þið látið mig ekki vera lengi einan í þessari höll,“ sagði Vilhjálmur í þakkarræðu sinni í dag. Viðurkenningin var veitt í 100 ára afmælishátíð ÍSÍ í Ráðhúsi Reykjavíkur. Vilhjálmur vakti mikla lukku í boðinu þar sem hann flutti þakkarræðuna að mestu leyti í bundnu máli.
Samþykkt var í fyrra að stofna heiðurshöll ÍSÍ í tilefni af afmæli sambandsins. Sérstakt heiðursráð tilnefnir einstaklinga í höllina en stjórn ÍSÍ velur úr þeim. Útnefning Vilhjálms var einróma samþykkt á sérstökum afmælisfundi stjórnar fyrir hófið í dag.
Ólafur Rafnsson, formaður ÍSÍ, fór í stuttu máli yfir feril Vilhjálms þar sem afrekið á ólympíuleikunum stendur upp úr. Vilhjálmur varð fimmti á leikunum í Róm fjórum árum síðar en í millitíðinni varð hann þriðji á Evrópumeistaramóti. Vilhjálmur hefur alla tíð starfað ötullega innan íslensku íþrótta- og ungmennafélagshreyfinganna, meðal annars aðstoðaði hann við Unglingalandsmótið á Egilsstöðum síðasta sumar.
Ólafur Rafnsson afhendir Vilhjálmi viðurkenninguna. Mynd: UMFÍ/Jón Kristján
Samþykkt var í fyrra að stofna heiðurshöll ÍSÍ í tilefni af afmæli sambandsins. Sérstakt heiðursráð tilnefnir einstaklinga í höllina en stjórn ÍSÍ velur úr þeim. Útnefning Vilhjálms var einróma samþykkt á sérstökum afmælisfundi stjórnar fyrir hófið í dag.
Ólafur Rafnsson, formaður ÍSÍ, fór í stuttu máli yfir feril Vilhjálms þar sem afrekið á ólympíuleikunum stendur upp úr. Vilhjálmur varð fimmti á leikunum í Róm fjórum árum síðar en í millitíðinni varð hann þriðji á Evrópumeistaramóti. Vilhjálmur hefur alla tíð starfað ötullega innan íslensku íþrótta- og ungmennafélagshreyfinganna, meðal annars aðstoðaði hann við Unglingalandsmótið á Egilsstöðum síðasta sumar.
Ólafur Rafnsson afhendir Vilhjálmi viðurkenninguna. Mynd: UMFÍ/Jón Kristján
