Starfsári Bridgesambands Austurlands lokið
Starfsári Bridgesambands Austurlands lauk laugardaginn 1. maí síðastliðinn. Þann dag lauk Austurlandsmóti í sveitakeppni sem haldið var á Vopnafirði með þátttöku 6 sveita.
Sveit Suðurfjarðamanna sigraði á Austurlandsmótinu, en sveitina skipuðu, Björn Hafþór Guðmundsson, Óttar Ármannsson, Ævar Ármannsson, Magnús Valgeirsson og Jónas Ólafsson.
Í öðru sæti varð Sláturfélag Vopnfirðinga, þá sveit skipuðu Þórður Pálsson, Svanur Arthúrsson, Kristján Magnússon, Gauti Halldórsson og Þorsteinn Þorgeirsson.
Í þriðja sæti varð sveitin Já Sæll frá Borgarfirði eystra, þá sveit skipuðu Bjarni Sveinsson, Skúli Sveinson, Kári Borgar Ásgrímsson og Jón Bjarki Stefánsson.
Aðalfundur BSA var haldinn við sama tækifæri og var stjórn sambandsins endurkjörin, en hana skipa Jón H Guðmundsson forseti, Óttar Ármannsson gjaldkeri, Magnús Valgeirsson ritari og Þorsteinn Bergsson meðstjórnandi.
Sambandið hefur haldið mörg mót á liðnum vetri, paratvímenning, aðaltvímenning, Einmenningskeppni, jólatvímenning, úrtökumót í sveitakeppni, hraðsveitakeppni, bikarkeppni og loks Austurlandsmót í sveitakeppni.
