Leikmenn úr úrvalsdeildinni þjálfuðu í knattspyrnuakademíu Tandrabergs: Myndir
Íþróttir • This email address is being protected from spambots. You need JavaScript enabled to view it. • Fyrst birt 25. okt 2011 19:41 • Uppfært 08. jan 2016 19:22
Um tvö hundruð þátttakendur, víðsvegar af Austurlandi, tóku þátt í
Knattspyrnuakademíu Tandrabergs sem fram fór í Fjarðabyggðarhöllinni
fyrir skemmstu. Yngri flokkar Fjarðabyggðar stóðu að akademíunni fyrir
iðkendur á aldrinum 6-15 ára í þriðja sinn.
Fótboltaæfingar, kvöldvaka og fyrirlestur einkenndu dagskrána sem byrjaði kl. 15:00 á föstudegi og lauk kl. 16:00 á laugardegi.
Um 14 þjálfarar úr Fjarðabyggð og Pepsi-deild kvenna ásamt leikmönnum úr Pepsi-deild karla stjórnuðu æfingum og voru krakkarnir mjög ánægðir með þær æfingar sem boðið var upp á. Einnig var sú nýbreytni þetta árið að boðið var upp á fyrirlestur fyrir foreldra sem þótti takast mjög vel.
