Fagnið tileinkað puttabrotnum liðsfélaga
Íþróttir • This email address is being protected from spambots. You need JavaScript enabled to view it. • Fyrst birt 29. jún 2010 20:32 • Uppfært 08. jan 2016 19:21
Högni Helgason segir fagn sitt, eftir að hafa skorað sigurmark Hattar gegn Víði í kvöld, hafa verið tileinkað samherja hans sem varð fyrir því óláni að puttabrjóta sig.
Markið kom um miðjan seinni hálfleik en Högni skoraði eftir góða sendingu frá hægri. Hann hljóp út til hliðar, horfði smá stund á fingurinn á sér áður en hann lagðist í grasið og félagar hans fylgdu á eftir.„Fagnið er tileinkaði Antoni Ástvaldssyni sem negldi á puttann á sér og braut hann vikunni. Hann fékk aðsvif þegar hann leit á fingurinn,“ sagði Högni í samtali við Agl.is eftir leikinn.
Högni skoraði þarna sitt fyrsta mark fyrir Hött í fjögur ár en hann er samningsbundinn Breiðabliki og er lánsmaður hjá Hetti. „Þetta er geggjuð tilfinning að hafa skorað. Ég man ekki hvenær ég skoraði seinast fyrir Hött.“
