Austfirsk ungmenni í landsliðsverkefnum
Íþróttir • This email address is being protected from spambots. You need JavaScript enabled to view it. • Fyrst birt 20. ágú 2024 09:48 • Uppfært 10. sep 2024 14:50
Þrír ungir austfirskir íþróttamenn hafa síðustu daga verið í landsliðsverkefnum eða verið valdir í verkefni síðar í haust.
Jón Breki Guðmundsson hefur undanfarna spilað með U-17 ára landsliðið drengja í knattspyrnu á Telki Cup, æfingamóti sem haldið er í Ungverjalandi. Jón Breki var í byrjunarliðinu í 1-0 sigri á Ungverjum og kom inn á sem varamaður í 3-4 tapi gegn Ítalíu og 1-0 sigri á Suður-Kóreu.
Jón Breki er fæddur árið 2008, alinn upp í Neskaupstað og spilaði sína fyrstu deildarleiki með KFA í sumar. Þeir urðu 13 talsins. Hann skipti fyrir viku yfir í úrvalsdeildarlið ÍA.
Þá hafa tveir Héraðsbúar verið valdir til þátttöku á Evrópumótinu í hópfimleikum sem fram fer í Bakú í Aserbaídsjan um miðjan október. Báðir eru í blönduðu liði unglinga.
Annars vegar er um að ræða Bjart Blæ Hjaltason, sem hefur búið eystra en keppt fyrir Stjörnuna í Garðabæ og Ásgeir Mána Ragnarsson, sem er skráður í Hött.
Mynd: Fimleikasamband Íslands/Ingvar
