Sex þingmenn úr öllum flokkum í Norðausturkjördæmi hafa lagt fram á Alþingi tillögu um að fela innanríkisráðherra að hefja fullnaðarundirbúning að gerð Seyðisfjarðarganga. Stefnt verði að því að rannsóknum og undirbúningi verði lokið í tæka tíð þannig að hægt verði að hefja framkvæmdir í beinu framhaldi af Norðfjarðargöngum.
Þrír starfsmenn Rafteymis fóru nýverið á námskeið hjá Kendler til að sérhæfa sig í vinnum í möstrum. Með því fæst aukin sérhæfing hjá fyrirtækinu í þjónustu við fjarskiptafyrirtæki.
Gunnar Jónsson, bóndi á Egilsstöðum á Völlum, segir það hafa verið mikið áfall þegar sjaldgæf herpesveira greindist í kúm á búi hans. Útlit er fyrir að lóga þurfi stórum hluta stofnsins á einu af stærstu kúabúum landsins. Gunnar og fjölskylda hans eru ákveðin í að reisa við búið eftir áfallið.
Páll Björgvin Guðmundsson, bæjarstjóri Fjarðabyggðar, segir það nauðsynlegt fyrir starfsmenn stjórnsýslunnar að geta farið fram og til baka samdægurs með flugi þegar þeir þurfi starfs síns vegna að fara til Reykjavíkur.
Niðurstöður skýrslu um áhrif þess að færa innanlandsflug frá Reykjavík til Keflavíkur verða kynntar á opnum fundi sem hefst klukkan tólf á hádegi á Hótel Héraði á Egilsstöðum á morgun.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.