Seyðisfjörður er ekki einn af áfangastöðum Walter Mitty ferða sem ferðaþjónustu fyrirtækið Iceland Travel hefur skipulagt þrátt fyrir að staðurinn hafi verið notaður við tökur á kvikmyndinni sem ferðirnar eru kenndar við. Lögð er áhersla á að skoða valda tökustaði og „vinsælustu" áfangstaði ferðamanna hérlendis.
Nýtt beltatæki Landsnets auðveldar aðgang að bilunum í rafmagnsleysi, einkum við erfiðar aðstæður. Verkstjóri hjá Landsneti segir það algjöra byltingu í vinnu. Austurvarp slóst í för þegar tækið var reynt í fyrsta sinn á Hallormsstaðahálsi fyrr í haust.
Sveitarfélagið Fljótsdalshérað sendi í gær frá sér viðvörun til íbúa um að ekki sé hægt að treysta færð á vegum innan sveitarfélagsins verstu veðurspár ganga eftir. Líkur séu á að áætlanir um snjómokstur gangi ekki eftir.
Þingmenn Norðausturkjördæmis hafa sent Seyðfirðingum yfirlýsingu um að þeir séu ekki tilbúnir að styrkja uppbyggingu annarra hafna til að geta tekið við Norrænu. Forráðamenn Smyril-Line hafa ekki orðið við óskum Seyðfirðinga um viðræður um framtíð ferjusiglinganna en hafa hins vegar fundað með fulltrúum Fjarðabyggðar. Framkvæmdastjóri Smyril-Line segir fyrirtækið ekki tilbúið að bíða eftir göngum undir Fjarðarheiði.
Aðeins þriðjungur virðist eftir af þeim bleikjustofni sem var í Lagarfljóti fyrir tilkomu Kárahnjúkavirkjunar. Vísbendingar eru um sambærilega fækkun urriða í fljótinu. Fiskarnir virðast einnig smærri en áður. Minnkandi ljósmagn í vatninu rýrir lífsskilyrðin.
Fulltrúar Fjarðalistans í bæjarstjórn Fjarðabyggðar segja Framsóknarflokkinn ekki standa við gefin fyrirheit um að færa Nesgötu fyrir byggingu nýs leikskóla í Neskaupstað. Framsóknarmenn segja að við nánari skoðun hafi komið í ljós að fýsilegri kostur sé að hafa götuna áfram á núverandi stað.
Sveitarfélagið Fjarðabyggð hefur leitað eftir samstarfi við nágrannasveitarfélög um hvort forsenda sé fyrir að koma á fót leigufélagi um íbúðir. Bæjarstjóri Fjarðabyggðar segir þó nokkrar íbúðir standa auðar þótt eftirspurnin sé mikil,
Fjórar björgunarsveitir tóku þátt í því í gærkvöldi að koma lækni á móts við sjúkling frá Djúpavogi. Um þrjátíu manns tóku þátt í aðgerðinni og skiluðu þeir síðustu sér ekki heim fyrr en um átta tímum eftir útkallið.
Hjördís Þóra Sigurþórsdóttir, formaður AFLs starfsgreinafélags, segir að menn hafi metið stöðuna þannig rétt væri að skrifa undir nýjan kjarasamning um helgina því lengra yrði ekki komist án átaka og láta á það reyna í atkvæðagreiðslu meðal félagsmanna hvort þeir væru sama sinnis. Hún gefur lítið fyrir gagnrýni formanna nokkurra aðildarfélaga Starfsgreinasambandsins sem hún segir hafa brostið kjark til að standa við ákvörðun sem ekki væri fallin til vinsælda.
Héraðsdómur Austurlands sýknaði í dag lögreglumann af ákæru um kynferðisbrot fyrir að hafa haft í fórum sínum barnaklám. Harður diskur í hans eigu og sterar voru hins vegar gerðir upptækir. Maðurinn sagði efnið hafa komið á diskinn með öðru efni sem hann hefði sótt sér.