Um 20 komu í morgunmat í fjöldahjálparstöðina
Um 20 manns komu í morgunmat í fjöldahjálparstöðina á Egilisstöðum í morgun.Ragnhildur Rós Indriðadóttir hjá Rauða krossinum segir að að ekki sé ljóst hve stöðin verði lengi opin. Það fari eftir þeim ákvörðunum sem aðgerðastjórn almannavarna og lögreglan tekur.
„Það er þó ljóst að fjöldahjálparstöðin verður opin eitthvað fram eftir degi,“ segir Ragnhildur Rós.
Aðspurð um hvernig hljóðið hafi verið í fólkinu sem kom segir Ragnhildur Rós að það hafi ekki verið neinn bilbug að finna hjá því.
