Tjörnin þrifin
Nemendur í Vinnuskóla Fljótsdalshéraðs byrjuðu í gær að þrífa tjörnina í Tjarnargarðinum á Egilsstöðum. Verkið heldur áfram næstu daga. Nemendurnir taka gras upp úr ytri enda tjarnarinnar og fleira sem ekki á að vera í henni.
Grunnvatnsstaða tjarnarinnar er nokkuð há. Upphaflega var skrúfað fyrir rennsli inn í hana upp úr miðjum júní en yfirborð tjarnarinnar lækkaði samt lítið. Að lokum var komið með haugsugu til að dæla upp úr henni.