Sótölvaður á sveitarúnti
Lögreglustjórinn á Austurland hefur ákært karlmann á fimmtugsaldri fyrir margfelld umferðarlagabrot. Brotin framdi maðurinn á ferð sinni úr Álftafirði norður í Hörgársveit.
Manninum er gefið að sök að hafa verið keyrt ölvaður og undir áhrifum kannabisefna, sviptur ökurétti ævilangt á bifreið sem var óskráð og án skráningarmerkja.
Samkvæmt lýsingu í ákæru hófst ferðin við sveitabæ í Álfafirði þaðan sem ekið var norður þjóðveg númer eitt. Henni lauk á heimreiðinni að bæ í Hörgársveit þar sem maðurinn velti bílnum.
Kannabisefni fundust í vasa mannsins við leit þegar lögregla hafði afskipti af honum í tengslum við veltuna.
Vínandamagn í blóði hans mældist 1,85 prómill. Samkvæmt grein á doktor.is jafngildir það neyslu 7-8 áfengra drykkja og leiðir til „alvarleg skerðingar líkamlegrar og andlegrar starfsemi, ábyrgðarleysis, erfiðleika með að standa, ganga og tala.
Skynjun og dómgreind brenglast verulega. Ekur í þokumóðu og hefur nánast enga stjórn á ökutæki.“
Farið er fram á að maðurinn verði dæmdur til refsingar, greiðslu alls sakarkostnaðar og hann verði sviptur ökurétti ævilangt!
