Smáhýsin á Mjóeyri meðal þeirra bestu á Norðurlöndunum
Ferðaþjónustan Mjóeyri kemst á topplista breska blaðsins The Guardian þar sem farið er yfir 20 bestu smáhýsin til að gista í á ferð um Norðurlöndin. Mjóeyri er einn fimm íslenskra staða á listanum.
Blaðið segir frá viðarkofum sem hýst geti 4-6 gesti. Tveir þeir séu sérlega rúmgóðir með svölum, eldhúsi og sjónvarpi.
Síðan er allt það sem í boði er á Mjóeyri fyrir gesti. Staðarhaldararnir Sævar Guðjónson og Berglind Ingvarsdóttir skipuleggi ferðir í hellaskoðun, veiði, göngur eða fuglaskoðun og jafnvel sé hægt að kynnast seinni heimsstyrjöldinni á Austurlandi. Eins sé hægt að leigja mótorbáta til að skoða fjörðinn frá sjónum.
Á listanum gefur að líta smáhýsi í Noregi, Danmörku, Svíþjóð og Íslandi. Mjóeyri er eini austfirski staðurinn á listanum en að auki eru þar Krýsuvík og Brimnes á Norðurlandi, Brennistaðir á Vestfjörðum og Fossatún í Borgarfirði.
