Símafyrirtækin efla 4G þjónustu sína á Austfjörðum
Síminn og Nova hafa að undanförnu styrkt 4G háhraðanet sitt á Austfjörðum. Nova bætti nýverið við sendum á Egilsstöðum og Eskifirði en Síminn á Vopnafirði og Borgarfirði eystra.
Sendar Nova á Egilsstöðum og Eskifirði er sá nýjasti af þessum þremur. Í tilkynningu frá félaginu segir að starfsmenn þess hlakki til að geta þjónustað viðskiptavini sína í landshlutanum með stórbættri tengingu. Þar með nái 4G kerfi Nova til 95% landsmanna.
Fyrr í vetur setti síminn upp 4G senda á Vopnafirði og Borgarfirði.
„4G kerfi Símans er komið upp á fjölmennustu stöðunum og vinsælustu ferðamannasvæðum landsins. Við hjá Símanum ætlum þó að gera betur og stefnum að því að ná til 93,5% landsmanna í lok árs,“ segir Gunnhildur Arna Gunnarsdóttir, upplýsingafulltrúi Símans en áætlað er að 4G kerfi Símans nái nú til um 90% landsmanna.
Notkun gagna í farsímasamskiptum hefur aukist verulega á síðustu árum og útlit er fyrir að sú þróun haldi áfram.