Samfélagssjóður veitir 12 milljónir króna í styrki
Opnað hefur verið fyrir umsóknir í Samfélagssjóð Fljótsdals fyrir árið í ár. Alls verður 12 milljónum kr. veitt í styrki hjá sjóðnum.Þetta kemur fram í tilkynningu frá sjóðnum. Þar segir að óskað er sérstaklega eftir umsóknum með áherslum á sjálfbæran landbúnað og nýtingu náttúruauðlinda, einstakra náttúru og sögu, og/eða tækifæri til framtíðar. En þessir þættir eru áherslur sjóðsins árið 2021.
„Samfélagssjóður Fljótsdals er eitt af áhersluverkefnum innan samfélagsverkefnisins Fögur framtíð í Fljótsdal. Markmið sjóðsins er að styrkja verkefni á sviði nýsköpunar, umhverfis, velferðar, atvinnu eða menningar sem stuðla að samfélagsþróun og/eða aukinnar eflingu atvinnulífs í Fljótsdalshreppi.“ segir í tilkynningunni
Þrjú verkefni voru styrkt af sjóðnum á síðasta ári, Gunnarsstofa, Sauðagull og Hengifoss ehf.
Á vegum Gunnarsstofu fékk verkefnið Ævintýri á Héraði – Fjölskylduleikur, styrk fyrir skemmtilegan leik handa íslenskum fjölskyldum á ferðalagi um Austurland. Ævintýraleikurinn Leitin að gulli ormsins hafði það markmið að dreifa ferðamönnum betur um Héraðið, að vekja athygli á áhugaverðum stöðum og að skapa afþreyingu fyrir fjölskyldur.
Sauðagull er orðið þekkt vörumerki á Austurlandi en um er að ræða góðgæti úr sauðamjólk, eins og osta og konfekt. Markmið Sauðagulls er að endurvekja gamalt handverk og framleiða einstakar matvörur úr sauðamjólk.
„Nýting á sauðamjólk til manneldis hefur mikið lagst af vegna breytinga í landbúnaði og var því tækifærið í að koma þessu aldargömlu hugmynd aftur af stað. En nýting úr sauðfjármjólk er jafnframt betri en í kúamjólk.“ segir í tilkynningunni.
Hengifoss ehf þ.e. Ingólfur Friðriksson fékk styrk til að stika út og bæta öryggi á gönguleiðinni um Tröllkonustíg og Klausturfjall. Um var að ræða samstarfsverkefni við Snæfellsstofu og Skógrækt ríkisins.
Allar upplýsingar um sjóðinn, úthlutunarreglur, áherslur, matsskrá og umsóknareyðublað má finna á fljotsdalur.is. Umsóknum skal skilað rafrænt á This email address is being protected from spambots. You need JavaScript enabled to view it. fyrir miðnætti miðvikudaginn 17.febrúar 2021