Nýting hótelherbergja aðeins 18% á Austurlandi
Nýting hótelherbergja á Austurlandi í september var aðeins 18% en í sama mánuði í fyrra var hún 64%. Þetta kemur ekki á óvart þar sem flest hótel og gistiheimili í fjórðungnum voru lokuð eða að loka í mánuðinum vegna hruns í komu ferðamanna. Til samanburðar var nýting hótelherbergja á höfuðborgarsvæðinu aðeins 13,8% í september.Í nýjum tölum Hagstofunnar kemur fram að heildarfjöldi greiddra gistinátta í september síðastliðnum dróst saman um 88% samanborið við september 2019. Þar af fækkaði gistinóttum á hótelum um 85%, um 86% á gistiheimilum og um 84% á öðrum tegundum skráðra gististaða
Gistinætur erlendra ferðamanna á hótelum í september drógust saman um 96% á milli ára en íslenskum gistinóttum fjölgaði um 28%. Gistinætur Íslendinga voru 47.800, eða 74% af hótelgistinóttum, á meðan erlendar gistinætur voru 16.400 eða 26%
Á höfuðborgarsvæðinu fækkaði gistinóttum á hótelum úr 215.000 í 21.300 á milli ára eða um 90%. Á sama tíma dróst framboð hótelherbergja á höfuðborgarsvæðinu saman um 39,5% á milli ára um leið og herbergjanýting féll um 64,8 prósentustig á milli ára og var 13,8% í september síðastliðnum.