Sérkennileg norðurljós í Hallormsstaðaskógi
Þeir sem búa í Hallormsstaðaskógi og nágrenni gátu séð norðurljósinn aðfararnótt sunnudagsins. Voru þau óvenjuskær miðað við árstíma og nokkuð sérkennileg í laginu.Myndin sem fylgir hér með er tekin af Andrezj Tazz, pólskum starfsmanni Hótels Hallormsstaðar um miðnættið. Yfirleitt sveiflast norðurljósin í mjúkum sveipum en þessi á myndinni eru kassalaga.
Fáir ferðamenn voru á hótelinu og vart að hugsa um norðurljós enda hefst hefðbundið norðurljósatímabil ferðamanna hérlendis ekki fyrr en nær dregur október. Raunar eru litlar líkur á slíkri ferðamennsku í ár sökum COVID.
Mynd: Facebook
