Krummatíta nemur land á Austfjörðum
Skordýrið Krummatíta hefur numið land á Austfjörðum. Kemur þetta fram á vefsíðu Náttúrufræðistofnunnar undir fyrirsögninni: Nýr Austfirðingur.Á vefsíðunni swegir að í fyrra komu 7 kvenkyns títur í fiðrildagildruna í Neskaupstað. Allar komu þær í síðustu tæmingu í haust.
"Ein karl títa kom í gildruna í fyrra og ein árið 2019. Hafa títurnar nú verið greindar og eru þetta krummatítur (Pachytomella parallela) og eigum við því von á punkti á kortið hjá Náttúrufræðistofnun Íslands," segir á vefsíðunni.
"Krummatíta er ekki mjög áberandi í íslenskri náttúru og er útbreiðsla hennar hérlendis bundin við suðvesturhornið og telst því ekki sjaldgæf þar, tegundin hefur þó einnig fundist í Eyjafirði og nú á árin 2019 og 2020 á Austurlandi."
Þá segir að Krummatíta er smávaxin og lætur lífið yfir sér, lífshættir hennar eru lítt þekktir en hún finnst í ýmiskonar þurrlendi úti í náttúrunni, jafnvel í blómabeðum og meðfram húsveggjum. Hún er langmest á ferðinni í júlí og ágúst en finnst þá alveg fram í september. Kvenkyns títurnar sem komu í ljósgildruna í Neskaupstað í fyrra eru þó utan þess tíma eða í vikunni 5-12. nóvember.
Mynd: ni.is
