Hafliði Hörður nýr útibússtjóri Arion-banka á Egilsstöðum
Hafliði Hörður Hafliðason hefur verið ráðinn nýr útibússtjóri Arion-banka á Egilsstöðum.
Hafliði Hörður hefur verið viðskiptastjóri í útibúi Arion banka á Egilsstöðum frá árinu 2012 en starfaði áður sem framkvæmdastjóri hjá Þróunarfélagi Austurlands.
Hafliði Hörður er sagnfræðingur með MA nám í stjórnmálafræði og alþjóðasamskiptum. Hann er uppalinn á Siglufirði en hefur verið búsettur á Egilsstöðum frá árinu 2006.
Hann tekur við starfinu af Guðmundi Ólafssyni sem farinn er til starfa fyrir Arion-banka á Akureyri.
