Félagsstarf eldri borgara fellur niður á Vopnafirði
Félagsstarf eldri borgara fellur niður og félagsmiðstöðinni Drekinn hefur verið lokað á Vopnafirði vegna hertra sóttvarnarreglna.Eins og í öðrum sveitarfélögum eru grunnskóli og tónlistarskóli lokaðir frá og með deginum í dag og þar til páskafrí tekur við. Unnið verður að reglum um fyrirkomulag skólahalds að loknu páskafríi á næstu dögum, að því er segir á vefsíðu Vopnafjarðar.
Þá eru íþróttahús og Selárlaug lokuð og íþróttir inni og úti jafnt barna sem og fullorðinna, sem krefjast meiri nálægðar en 2 metra, eða hætta er á snertismiti vegna sameiginlegs búnaðar, eru óheimilar.
