Borgarafundur um millilandaflug
Millilandaflug um Egilsstaðaflugvöll verður til umræðu á borgarafundi sem haldinn verður á Hótel Héraði næstkomandi fimmtudag.
Tilgangur fundarins er að meta aðgerðir og undirbúning vegna flugsins og móttöku og þjónustu við farþega svo og að ræða tækifærin sem felast í millilandaflugi.
Fundurinn er haldinn á vegum Fljótsdalshéraðs og Þjónustusamfélagsins á Héraði og hefst klukkan 16:00.
Dagskráin verður sem hér segir:
- María Hjálmarsdóttir, verkefnastjóri Austurbrú – „Tækifæri og áskoranir í millilandaflugi um Egilsstaðaflugvöll”.
- Jörundur Ragnarsson – „Egilsstaðaflugvöllur, til þjónustu reiðubúinn“.
- Björn Ingimarsson, bæjarstjóri Fljótsdalshéraðs – „Undirbúningur fyrir flugtak – hlutverk sveitarfélagsins“.
- Sigrún Hólm Þórleifsdóttir, formaður Þjónustusamfélagsins á Héraði - „Hvaða þýðingu hefur millilandaflug fyrir okkur og hvað þurfum við að gera“.
- Umræður.