Bíll og hjólhýsi eyðilögðust við að fjúka út af
Jepplingur og hjólhýsi eyðilögðust þegar vindhviða feykti feykti þeim út af á Jökuldal í gær. Fólkið í bílnum slapp án meiðsla.
Atvikið átti sér stað um klukkan sjö í gærkvöldi skammt frá bænum Hofteigi á Jökuldal. Að sögn lögreglu var „ekki stætt fyrir roki“ á Jökuldanum í gær.
Farartækin voru fjarlægð af vettvangi í gærkvöldi en fólkið sem var á ferð í bílnum fékk að fara heim að lokinni skoðun.
Umferðin gekk nokkuð vel í gær en hún var þung, sérstaklega í gær og nokkuð um hraðakstur. Margt fólk var að koma af Norðurlandi enda mikið þar að gerast um helgina svo sem Handverkshátíð, Fiskidagurinn mikli, fótboltamót og ættarmót.
