Styðja kröfu um 300 þúsund króna lágmarkslaun
Stjórn kjördæmisráðs Samfylkingarinnar í Norðausturkjördæmi styður kröfu Starfsgreinasambands Íslands um að lágmarkslaun skuli hækkuð í 300 þúsund krónur á mánuði.Þetta kemur fram í ályktun sem ráðið sendi frá sér nýverið. Þar segir að undirstaða þess að búa í réttlátu og jöfnu samfélagi sé að grundvallar lífsgæði séu tryggð og allir geti lifað mannsæmandi lífi fyrir dagvinnu sína.
„Það er sjálfsögð krafa að bæta lífsgæði fólks á Íslandi og löngu tímabært að bæta kjör þeirra sem höllum fæti standa í samfélaginu."
