Fjarðabyggð er komin í úrslit í spurningakeppninni Útsvari eftir 90-69 sigur á Skagafirði í undanúrslitum á föstudagskvöld. Liðsmaður segir leikinn og þjálfun í honum skipta lykilmáli.
Hönnunar- og handverksfyrirtækið Arfleifð heldur upp á þriggja ára afmæli með opnun verslunar fyrirtækisins eftir gagngerar endurbreytingar og ljósmyndasýningu. Tvær myndir á sýningunni voru nýverið valdar inn á vef ítölsku útgáfu stórtímaritsins Vogue.
Göngum, göngum hópurinn á Seyðisfirði stendur fyrir göngu yfir Fjarðarheiði á sunnudag til að minna á kröfu Seyðfirðinga um veggöng undir heiðina. Gangan er einnig hluti af hátíðarhöldum í tilefni af 100 ára afmæli íþróttafélagsins Hugins.
Kammerkór Egilsstaðakirkju undir stjórn Torvalds Gjerde heldur vortónleika sunnudaginn 21. apríl næstkomandi. Kórinn flytur þá ásamt hljómsveit heimamanna Te deum eftir franska barokktónskáldið Charpentier og mun það vera frumflutningur á verkinu á Íslandi. 
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.