Skráningum á Ístölt Austurland að ljúka
Síðasta skráningardagur vegna Ístölt Austurland er á morgun, en að venju rennur skráningarfrestur endanlega út um tíuleytið annað kvöld. Ístölt Austurland fer fram næstkomandi laugardag 21. febrúar. Skráningar fara fram á This email address is being protected from spambots. You need JavaScript enabled to view it. og hjá Gunnþórunni í síma 847-0116.
Í ár er Ístölt Austurland haldið í Egilsstaðavíkinni í hjarta Egilsstaða og er von á fjölda áhorfenda úr þéttbýlinu, enda mótssvæðið sérlega glæsilegt. Á dögunum fóru fram mælingar á ísþykkt í Egilsstaðavíkinni og var útkoman sérlega jákvæð og ætti nokkurra daga hláka ekki að setja strik í reikninginn. Framhaldsmælingar eru áætlaðar á fimmtudag á vegum ístöltsráðunauta.
Eins og undanfarin ár eiga Austfirðingar von á góðum gestum víðsvegar að af landinu. Sem og oft áður eru Hornfirðingar og Norðanmenn áberandi meðal gesta. Keppt er um þrjá nafntogaða verðlaunagripi - Ormsbikarinn eftirsótta, Skeiðdrekann ógurlega og Frostrós Glitnis.
Allar nánari upplýsingar á www.freyfaxi.net og í síma 896-5513.
