Austurglugginn fluttur á Búðareyri
Umræðan • This email address is being protected from spambots. You need JavaScript enabled to view it. • 13. júní 2009
Austurglugginn hefur flutt skrifstofu sína úr gamla verkalýðshúsinu við Brekkugötu á Reyðarfirði yfir á Búðareyri 7, 2. hæð. Er lesendum blaðsins og öðrum velunnurum þess velkomið að líta þar við til skrafs og ráðagerða.
Úgáfufélag Austurlands, eigandi Austurgluggans, hélt aðalfund sinn 28. maí. M.a. kom fram á fundinum að rekstrarstaða blaðsins hefur skánað og var rekstur jákvæður í fyrra í fyrsta sinn frá stofnun blaðsins árið 2001. Stefnt er að aukningu hlutfjár í haust. Stjórn var endurkjörin. Stjórnarformaður er Sverrir Mar Albertsson, gjaldkeri Gunnhildur Ingvarsdóttir og ritari Elma Guðmundsdóttir.
