Austfirskir sveitar- og bæjarstjórar fá athafnateygju á mánudag
Einn af viðburðum alþjóðlegu athafnavikunnar 16.-22. nóvember n.k. er Athafnateygjan. Teygjan, sem hægt er að smeygja um úlnlið sér, er send á valinn hóp áberandi einstaklinga í athafnalífi, stjórnmálum og fjölmiðlum – til fólks sem hefur áhrif á umhverfi sitt og er í aðstöðu til að vera öðrum til fyrirmyndar. Sveitar- og bæjarstjórar á Austurlandi fá Athafnateygjuna senda í pósti fyrir mánudag og vonast aðstandendur athafnavikunnar til að þeir verði duglegir að framkvæma og að teygjan gangi hratt manna á milli á Austurlandi (hægt er að rekja hverja teygju á www.athafnateygjan.is).
Hornfirðingar virðast taka athafnavikunni fagnandi því þeir eru eina sveitarfélagið á Austurlandi sem hefur tilkynnt dagskrá vegna átaksins inn á vef athafnavikunnar. Fjölmargt verður um að vera á Höfn og mun Nýsköpunarmiðstöð m.a. standa fyrir osmósutilraunum, en osmósuvirkjanir gætu verið virkjanir framtíðarinnar á Íslandi. Einnig verður boðið upp á hláturjóga, heimamarkað, íbúar munu prjóna kærleikstrefil og mála sameiginlegt málverk.
Dagskráin á Höfn er hér eftirfarandi:
Mánudagur 16. nóvember
Kærleikstrefill: Allir bæjarbúar geta komið við í Nýheimum og prjónað nokkrar umferðir á kærleikstreflinum. Bara að muna að taka með garn að heiman!
Málverk: Gerð verður skissa að málverki en bæjarbúar munu svo fá lítinn reit til að mála.
Hljóðfæri og ,,Speakers' corner": Hornfirðingar geta látið ljós sitt skína í Nýheimum, hvort sem er með söng og hljóðfæraleik eða með málfrelsið eitt að vopni.
Þriðjudagur 17. nóvember
Hvað: Lindy Hop svingdans
Hvar og hvenær: Pakkhús - Menningarmiðstöð Hornafjarðar, kl. 17:30
Hvað: Taflkvöld
Hvar og hvenær: Pakkhús - Menningarmiðstöð Hornafjarðar, kl. 20:00
Fimmtudagur 19. nóvember
Hvað: Sögustund fyrir yngstu kynslóðina
Hvar og hvenær: Nýheimar Bókasafn - Menningarmiðstöð Hornafjarðar, kl.14:15
Föstudagur 20. nóvember
Hvað: Veggurinn minn á Bókasafninu
Hvar og hvenær: Nýheimar Bókasafn - Menningarmiðstöð Hornafjarðar
Einstaklingar fá tækifæri til að sýna uppáhaldsverk sitt í viku.
Hvað: Slow Food kynning
Hvar og hvenær: Nýheimar (Miðrými) Höfn í Hornafirði, kl. 12
Ríki Vatnajökuls Convivium með kynningu á starfsemi sinni.
Hvað: Opið hús
Hvar og hvenær: Dagvist fatlaðra, Kirkjubraut 5, Hornafirði kl 11-12 og 13-17
Kynning á starfsemi.
Laugardagur 21. nóvember
Hvað: Kertasýning Gingó
Hvar og hvenær: N1, Hornafirði, kl 16-21
Guðrún Ingólfsdóttir, Gingó, verður með sýningu á handunnum kertum. Kertin eru meðal annars gerð úr sandi og salti. Sjón er sögu ríkari.
Hvað: Heimamarkaður
Hvar og hvenær: Pakkhús - Ríki Vatnajökuls kl. 13-16
Matvara úr ríki Vatnajökuls til sölu.
Sunnudagur 22. nóvember
Hvar og hvenær: N1, Hornafirði, kl 16-21
Guðrún Ingólfsdóttir, Gingó, verður með sýningu á handunnum kertum. Kertin eru meðal annars gerð úr sandi og salti. Sjón er sögu ríkari.
