Völva Agl.is: Íslands eina von - Ólafur Ragnar Grímsson!
Áfram reynir á forseta Íslands, Ólaf Ragnar Grímsson á nýju ári. Völva
Agl.is gengur svo langt að segja hann einu von um sjálfstæði
þjóðarinnar. Þekktir einstaklingar snúast gegn EES samningnum. Lítið
kemur út úr stjórnlagaþinginu og enn hitnar undir Davíð Oddssyni og
Halldóri Ásgrímssyni.
Nú er svo komið að forseti okkar, Ólafur Ragnar Grímsson, er eina von þjóðarinnar um að Ísland verði áfram sjálfstætt ríki og lýðveldi. Það á eftir að reyna á hann aftur fyrir hönd þjóðarinnar til að minna stjórnmálamenn á að þeir eru ekki einráðir í að láta sjálfstæði þjóðar fjúka. Fram mun koma að forsætisráðstýra sé að vinna fyrir hagsmuni Evropu gegn velferð eigin þjóðar, hún verður harðlega gagnrýnd fyrir það. Jón Baldvin á eftir að viðurkenna mistök sín að skrifa undir EES samninginn og styðja úrsögn úr því nauðungarbatteríi.Jón Bjarnason berst hetjulega fyrir frelsi Íslands og landsbyggðarinnar sem framleiðir mat og verðmæti úr ull og skinnum. Það verður fast að honum sótt fyrir að reyna að stuðla að velferð þjóðarinnar. Það passar ekki við áformin um Evropusambandið. Fréttaflutningur bregst í þessu efni svo þjóðin skilur ekki nógu vel að frelsi og velferð íslands er í húfi.
Völvan sér ekki að það komi mikið út úr stjórnlagaþinginu, erfitt mun reynast fyrir það fólk sem þangað var kjörið að ná samkomulagi um þau mál er það skoðar. Þarna hefði mátt spara stóra fjármuni sem litlu skila til velferðar.
Fólk verður hneykslað á þeirri vernd sem Davíð Oddsson og Halldór Ásgrímsson fá í uppgjöri þjóðarinnar við spillta fjármálamenn. Hvað með ábyrgð þessara manna á öllum þeim lagabreytingum sem gerðu frelsi fjársvikara svo auðvelt? Af hverju fá þeir sjálfir afskrifaða miljarða eftir þörfum, til dæmis Halldór, með Skinney Þinganes? Davíð sem seðlabankastjóri, þar hurfu 700 miljarðar pappírslaust! Þjóðin spyr, þarf ekki rannsókn? Fólk segir óskiljanlegt að þjóðin er dæmd til fátæktar í staðinn fyrir skúrka! Fólk spyr, eru þetta ekki landráðamenn, hvaða lög og dómar gilda fyrir svoleiðis glæpi?
