Völva Agl.is: Leirfok í þjóðgarði náttúruskandall
Mikil umræða verður á árinu um leirfok í Vatnajökulsþjóðgarði og á
Héraði sem er afleiðing Kárahnjúkavirkjunar. Ferðafólk lítur framhjá
svæðinu. Lið svæðsins standa sig vel í spurningakeppnum á landsvísu.
Þetta kemur fram í spá völvu Agl.is sem telur að af ásettu ráði hafi
verið unnið gegn Útsvarsliði Fljótsdalshéraðs.
Náttúran
Austfirskri náttúru hefur verið spyllt. Mengun fer vaxandi á Reyarfirði, sem og jökulleir í Lagarfljóti. Hækkun vatnsborðs veldur landbroti á Úthéraði.
Versti skandallinn er þó í Vatnajökulsþjóðgarðinum þar sem virkjun og lón kæla og menga með leirfoki. Þessi fíni jökulleir fíkur líka yfir mannabyggð á Héraði og Jökuldal út að sjó. Ferðamenn forða sér þegar vindur blæs þannig að enginn sér neitt. Jarðskjálftar verða hættulegir mannvirkjum við Kárahnjúka. Það verður tekist á um orkufrekan iðnað og snúist til varnar gegn mikilli ásælni erlendra auðhringa.
Íþróttir
Austfirskar íþróttir fá ekki verðskuldaða athygli. Þó sýnist Völvunni að tveir íþróttamenn eigi kost á atvinnumennsku. Annar þeirra verður lengi í heiðri hafður en hinn á erfitt um tíma vegna meiðsla. Aðrar íþróttir á svæðinu eru flestar fyrir ofan meðallag.
Spurningakeppnir
Spurningalið Fljótsdalshéraðs stóð sig glæsilega í sjónvarpi. Síðast tapaði það vegna ósvarandi spurninga. Liðið á móti fékk áberandi léttar spurningar. Völvan finnur fyrir óréttlæti af ásettu ráði gegn Héraðsliðinu fyrir að vinna alltaf. Völvan segir ekki gott að spá í áframhaldandi gengi Fjarðabyggðar, gengi þeirra byggist svo mikið á spurningum dómarans, sem munu hafa áhrif á úrslitin.
Austfirsku liðin munu standa sig nokkuð vel í spurningakeppni framhaldsskólanna og komast langt á keppnisskapinu og sigurviljanum. Akureyringar verða í sviðsljósinu í þessari keppni og koma sterkir inn. Menntaskólinn í Reykjavík fær harða keppni. Tvö lið standa nokkuð upp úr og Völvunni finnst eins og MR geti tapað þeim slag.
Listir og menning
Einhver vandræðagangur verður með að verðlauna Sveppabók Helga Hallgrímssonar og tekist á um hvort á að verðlauna vísindarit, svo það bíður betri tíma.
Aðrar listgreinar hér eystra fá litla athygli vegna skorts á kynningu og umræðu. Það sama á við um ferðafólk sem ekur norður að Mývatni án þess að stoppa hér eystra. Valaskjálf gæti heillað ferjufólkið með listum og mat.
Minni væntingar verða gerðar en oft áður til til íslenska lagsins í Evrópusöngvakeppninni en það fær þó fleiri stig en lagið í fyrra.
