Virkjum landið og miðin
Næsta málþing Landsbyggðarinnar lifi, nú í samvinnu við Framfarafélag Fljótsdalshérað, undir kjörorðinu ,,Farsæld til framtíðar“ verður haldið á Möðrudal á Fjöllum, fimmtudaginn 11. júní kl. 15.
Undirtitill þessa þings verður ,,Virkjum landið og miðin“ þar sem hvers konar auðlindanýting og framleiðslustjórn grunnatvinnugreinanna til lands og sjávar verða meðal umræðuefna.
Framsögur hafa eftirtalin:
Ráðgjafi um fiskveiðimál, Jón Kristjánsson, fiskifræðingur, Reykjavík.
Lómatjarnarsystur: Guðný Sverrisdóttir, sveitarstjóri Grýtubakkahrepps og Valgerður Sverrisdóttir, fyrrverandi ráðherra.
Sauðfjárbóndi, Þorsteinn Bergsson, Unaósi.
Sjávarútvegsfræðingur, Pétur Bjarnason, Egilsstöðum, fyrrverandi framkvæmdastjóri Fiskifélags Íslands.
Fjallakaffi
Pallborðsumræður:
Auk framsögufólks á þar sæti heimafólk í Möðrudal og fólk af sjávarsíðunni. Stjórnandi pallborðsumræðna er Þorvaldur Jóhannsson, framkvæmdastjóri Sambands sveitarfélaga á Austurlandi.
