Vilja Sauðarkofa inn í aðalskipulag
Á síðasta fundi hreppsnefndar Fljótsdalshrepps var bókað að sveitarstjórn þætti miður að Sauðarkofi og starfsemi sem honum fylgi séu í uppnámi. Fljótsdalshérað hafnaði í aprílbyrjun umsókn frá Jóni Þór Þorvarðarsyni um byggingarleyfi vegna Sauðarkofa. Í stað þess var honum gefinn frestur fram í mars á næsta ári til að fjarlægja kofann sem þar stendur. Fljótsdalshreppur hvetur Fljótsdalshérað til að setja Sauðárkofa inn á nýtt aðalskipulag sveitarfélagsins, svo hann geti áfram þjónað hlutverki sínu sem áningarstaður gangna- og hestamanna.
