Undanúrslit Útsvars í kvöld
Fljótsdalshérað mætir Garðabæ í undanúrslitum spurningakeppninnar Útsvars í Sjónvarpinu í kvöld. Þetta er önnur viðureign liðanna á þessum vetri.
Liðin mættust áður í fyrstu umferð keppninnar í ár. Garðabæ hafði þá betur en Fljótsdalshérað komst áfram sem eitt af stigahæstu tapliðunum. Síðan hefur Fljótsdalshérað slegið út Dalvíkurbyggð og Hveragerði.
Fljótsdalshérað komst í úrslit árið 2009 en tapaði þar fyrir Kópavogi. Garðabær vann keppnina árið 2010.
Lið Fljótsdalshéraðs skipa sem fyrr Stefán Bogi Sveinsson, Ingunn Snædal og Þorsteinn Bergsson. Útsendingin hefst klukkan 20:10.
