Styrkir veittir til íþrótta-, tómstunda- og æskulýðsmála
Sveitarfélagið Fljótsdalshérað úthlutaði fyrir skömmu styrkjum að upphæð kr. 600.000.- til íþrótta-, tómstunda- og æskulýðsmála fyrir árið 2009. Sjö umsóknir bárust.
Menningar- og íþróttanefnd úthlutaði eftirtöldum styrkjum:
Safnaðarsamlag Héraðs og Borgarfjarðar fyrir hönd Bíbí -æskulýðsfélags kirkjunnar á Héraði. Starfsstyrkur til æskulýðsstarfa kirkjunnar. Samþykkt að styrkja æskulýðsstarf kirkjunnar á Héraði um kr. 50.000,-.
Æskulýðsnefnd Freyfaxa. Umsókn um styrk til æskulýðsstarfsemi á vegum Hestamannafélagsins Freyfaxa. Samþykkt að veita æskulýðsnefnd Freyfaxa kr. 100.000,- til verkefnisins.
Fimleikadeild Hattar. Umsókn um styrk til kaupa á áhöldum. Samþykkt að styrkja Fimleikadeild Hattar um kr. 300.000,- til tækjakaupa.
Erna Friðriksdóttir umsókn um styrk til sérhæfðra skíðaæfinga fyrirfatlaða. Samþykkt að veita henni kr. 50.000,- í styrk.
Ferðafélag Fljótsdalshéraðs umsókn um styrk vegna gönguleiða að heiðarbýlum á Jökuldalsheiði. Samþykkt að veita kr. 100.000,- í styrk.
Samtals úthlutað kr. 600.000.-
Umsókn frá Kirkjumiðstöð Austurlands. Óskað er eftir styrk til kaupa og uppsetningar leiktækja við KMA. Styrkumsókn hafnað.
Umsókn frá Björgvini Karli Gunnarssyni vegna þjálfaramenntunar. Erindinu hafnað.
