Sparisjóður Norðfjarðar óskar eftir aðstoð
Lífið • This email address is being protected from spambots. You need JavaScript enabled to view it. • Fyrst birt 21. mar 2009 21:56 • Uppfært 08. jan 2016 19:19
Sparisjóður Norðfjarðar er einn sex sparisjóða sem óskað hafa eftir aðstoð ríkisins samkvæmt nýlegum lögum um framlag ríkissjóðs til sparisjóða.
Umsókn sjóðsins fer til umsagnar hjá Fjármálaeftirlitinu og Seðlabanka Íslands. Í tilkynningu frá fjármálaráðuneytinu eru nefndir fjórir lykilþættir sem hafðir verði að leiðarljósi við mat á umsóknunum. 1. Að tryggðir verði sem fjölbreyttastir valkostir neytenda í fjármálaþjónustu.
2. Að fjármálaþjónusta verði í boði um land allt.
3. Að hagræðingu verði náð fram í rekstri sparisjóðanna.
4. Að samfélagslegt hlutverk sparisjóðanna verði tryggt.
Hinir sparisjóðirnir sem sóttu um aðstoð voru Sparisjóður Keflavíkur, Sparisjóður Vestmannaeyja, Sparisjóður Svarfdæla, Sparisjóður Bolungarvíkur og Byr sparisjóður.
