Sýningin FLEY opnuð í gallerí Klaustri
Anna Sigríður Sigurjónsdóttir, myndhöggvari, opnaði nýverið sýninguna FLEY í gallerí Klaustri á Skriðuklaustri. Sýninguna nefnir hún FLEY. Á henni eru þrír nýir skúlptúrar unnir í járn og grjót.
Anna dvaldi í gestaíbúðinni á Skriðuklaustri árið 2009 og eru verkin innblásin af áhrifum frá rannsóknum á mannabeinum og fornleifum hins forna Skriðuklausturs sem staðið hafa yfir síðustu ár. Anna hefur haldið fjölda einkasýninga hér heima og erlendis.
Sýningin stendur til 26. ágúst og er opin alla daga kl. 10-18.