Þorpshátíð á Stöðvarfirði
Lífið • This email address is being protected from spambots. You need JavaScript enabled to view it. • Fyrst birt 16. júl 2009 17:56 • Uppfært 08. jan 2016 19:20
Stöðfirðingar ætla að halda þorpshátíð um helgina þar sem aðeins verður byggt á skemmtiatriðum og hugmyndum heimamanna.
Engir skemmtikraftar verða keyptir að og hvergi settar upp stórar sýningar eða viðburðir á vegum skipuleggjenda. Aftur á móti er öllum frjálst að opna sýningar, halda tónleika, dansa um götur eða gera hvað sem er að því er fram kemur í auglýsingu um hátíðina á Facebook samskiptavefnum. Ef vel tekst til vilja Stöðfirðingar hafa hátíðina árlega þriðju helgina í júlí.
Varðeldur og sameiginlegt grill er inni í myndinni. Annað kvöld, klukkan 20:00, verður fjölskylduskemmtun á fótboltavellinum og leikir.
