Menningar og listahátíðin Innsævi í Fjarðabyggð hafin
„Það er okkar von að allir, háir sem lágir, finni eitthvað skemmtilegt við hæfi næstu vikurnar og fjölmenni á sem flesta viðburðina á hátíðinni,“ segir Jóhann Ágúst Jóhannsson, forstöðumaður Menningarstofu Fjarðabyggðar.
Menningar- og listahátíðin Innsævi í Fjarðabyggð var formlega sett í gær en næstu fjórar vikurnar geta íbúar og gestir sótt vel yfir tuttugu mismunandi viðburði í öllum kjörnum bæjarfélagsins. Fyrsta skrefið er í kvöld þegar gítar- og söngtríóið Tríó Túnfífill flytur unaðstóna frá hinum ýmsu löndum í Sköpunarmiðstöðinni á Stöðvarfirði.
Viðburðirnir eru af ýmsum toga eins og sæmir á stórri listahátíð. Tónlist er í hávegum höfð og meðal annarra koma fram Svavar Knútur og hljómsveitin Brek. Myndlist á sína frambjóðendur á hátíðinni, gjörningar fara fram, leita má ljóða í Neskaupstað og barnasýningin Ljósagull ætti að fylla yngsta fólkið af gleði.
Alla dagskrá Innsævis má finna hér.
Enginn útundan. Tónlistarkonan Elísabet Mörk Ívarsdóttir mun töfra fram tóna tvívegis í Mjóafirði á meðan á hátíðinni stendur en viðburðum er dreift um allt sveitarfélagið. Mynd Innsævi
