Laufey íþróttamaður Fjarðabyggðar
Laufey Frímannsdóttir, glímukona á Reyðarfirði, var kjörin íþróttamaður Fjarðabyggðar við hátíðlega athöfn í Nesskóla á miðvikudag. Laufey er fjölhæf íþróttakona og auk þess að æfa glímu sagði hún krökkum til í badminton haustið 2008. Í greinargerð frá Ungmennafélaginu Val, kom fram að Laufey væri sérstaklega lipur og leikin glímukona. Hún væri hörð af sér við æfingar og metnaðarfull, en um leið afar kurteis. Laufey er góður félagi og á marga góða vini í glímunni.
Helstu afrek Laufeyjar á árinu 2008 eru:
1. sæti í Aðalsteinsbikarnum, Fjórðungsglímu Austurlands.
1. sæti í Belt wrestling í Danmörku
2. sæti í hryggspennumóti í Danmörku
3. sæti í kvennaflokki á heimsmeistaramótinu í Danmörku
3. sæti í Bikarglímu Íslands og Íslandsmótinu 2008
4. sæti í keppninni um Freyjumenið, þar sem sterkustu glímukonur landsins kepptu.
Í nóvember var Laufey kjörin efnilegasta glímukona landsins. Laufey sækir nú nám í íþróttalýðháskóla í Danmörku þar sem hún fæst við nám og æfingar í hinum ýmsu íþróttagreinum.
Fimm íþróttamenn voru tilnefndir frá fimm íþróttafélögum í Fjarðabyggð og þeir fengu allir viðurkenningar fyrir frábæran árangur. Auk Laufeyjar voru það Dagur Mar Sigursson hestaíþróttamaður úr Blæ, Jóna Guðlaug Vigfúsdóttir blakkona úr Þrótti, Marinó Óli Sigurbjörnsson knattspyrnumaður úr Leikni og Silja Hrönn Sigurðardóttir skíðakona úr Austra.
Þá voru veittar viðurkenningar til þeirra íþróttamanna sem tekið hafa þátt í landsliðsæfingum og keppt fyrir Íslands hönd árið 2008 en þeir eru:
Jóna Guðlaug Vigfúsdóttir , blak
Kristín Salín Þórhallsdóttir, blak
Erla Rán Eiríksdóttir, blak
Helena Kristín Gunnarsdóttir, blak
Rannveig Júlía Sigurpálsdóttir, blak
Kristína Apostolova, blak
Sævar Örn Harðarson, knattspyrna
Eggert Gunnþór Jónsson, knattspyrna
Sindri Freyr Jónsson, glíma
Snær Seljan Þóroddsson, glíma
Laufey Frímannsdóttir, glíma
Guðrún Heiður Skúladóttir, glíma
Hjördís Helga Þóroddsdóttir, glíma
Ljósmynd/vefur Fjarðabyggðar
