Unnið er að samkomulagi milli Flugstoða og sveitarfélagsins Fjarðabyggðar um rekstur Norðfjarðarflugvallar.Þjónustusamningur milli þessara tveggja aðila er útrunninn og hafa flugstjórar sjúkraflugs hjá Mýflugi tjáð áhyggjur af ástandi vallarins til heilbrigðis- og samgönguráðuneytis með bréfi.
Flugstjórarnir segja að lent hafi verið fjörtíu sinnum á vellinum í fyrra og og séu þá ótalin nærfellt helmingi fleiri útköll sem beina hafi þurft til Egilsstaða vegna ástands vallarins eða veðurs. Gríðarlega mikilvægt sé að völlurinn og rekstur hans verði tryggðir fyrir veturinn m.t.t. þjónustu við Fjórðungssjúkrahúsið í Neskaupstað. Flugstoðir segja að unnið verði að viðhaldi á vellinum nú í haust.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.
