Húsaleigubætur farnar að berast
Lífið • This email address is being protected from spambots. You need JavaScript enabled to view it. • Fyrst birt 03. apr 2009 15:50 • Uppfært 08. jan 2016 19:19
Sveitarfélagið Fjarðabyggð er aftur farið að greiða út húsaleigubætur eftir tveggja mánaða bið.
Austurglugginn hefur seinustu vikur heyrt í námsmönnum á höfuðborgarsvæðinu sem hvorki höfðu fengið greiddar bætur fyrir febrúar né marsmánuð. Hjá Fjarðabyggð fengust þær upplýsingar að í síðustu viku hefði verið ráðinn starfsmaður til að sinna sérstaklega bótunum og unnið væri að úrbótum vegna vinnslu bótanna. Ókláruðum málum yrði vonandi lokið fyrir helgi og öllum umsækjendum, sem rétt ættu á bótum, greitt. Einhver mál gætu samt þurft að bíða fram yfir páska.
